الأقصى الرياضي :

وصلتنا مناشدة رياضية من قبل لاعب الهلال الرياضي سائد أبو فارس الذي خاض مع الفريق الأول بطولة الدوري العام وصعد معه لدوري الأضواء قبل الاستغناء عنه في نهاية الموسم وليمنع من مرافقة الفريق لأداء مناسك العمرة لأسباب غير معروفة كما يوضح أبو فارس في الرسالة والكتاب الذي وصل موقع الأقصى الرياضي وننشره بالكامل من باب الأمانة والمصداقية كما وصل لنا بعد مناشدة أطلقها أبو فارس وزملائه الآخرين إسلام نعيم سلامة وعلاء حماد :::

أنا اللاعب سائد أبو فارس وقعت قبل بداية الموسم مع نادي الهلال  واتفقت معاهم  اننى سألعب عندهم دوري وكاس الحمد الله شاركت معهم الكأس أوصلنا لدور الثمانية بقيادة المدرب محمود المزين  وبعدها تفرغنا للدوري  وكان حلمنا الصعود وإحراز اللقب وجاء الكابتن ابو حلمي نعيم السويركي وقاد الفريق والحمد الله  التزمت  معاهم بكل التمارين وشاركت معاهم بتمارين كانت صعبة بأجواء مناخية صعبة جدا جدا ..حكيت كلو بهون من اجل اللقب  والحمد الله كنت ملتزم معاهم بكل شيء بالاخلاق بالتمارين بالمباريات   بالقرارات بكل حاجة .

الحمدالله صعدنا واحرزنا اللقب وانا انسان ضحيت بكثير من اجل هاد اللقب  ضحيت بدراستي ضحيت بكثير من وقتي لاننا كنا عاملين شبه معسكر مغلق كل يوم تمرين  المهم بفضل من الله أحرزنا اللقب وصعدنا للممتازة .

وكانت الوزارة واعدة البطل بمكرمة ومنحة من القطريين عن طريق الاستاذ عبد السلام هنية   بعمرة لبيت الله الحرام للفريق اجمع  وانا كنت من ضمن الفريق  وانبسطت كتير انو حروح اعتمر معاهم وخصوصا برمضان والكل يعرف العمرة برمضان بمثابة حجة .

فتفاجأ باتصال هاتفي  انو بعتزرو  منى انو ما راح نقدر نسافر معاهم  سألنا ليش شو القصة الا بيحكو في ازمة مالية  بالنادي ومش حنقدر نسفركم معانا بالوقت انهم تعاقدو مع اكتر من لاعب وكلفتهم من خزينة النادي اموال اخرهم حمزة حسونة والحارس حميده  (( متل ما بتقدرو تجيبو فلوس للتعاقد بتقدرو تجيبو فلوس انو نسافر وهاد حقنا ))  .. والغريب بيحكو ازمة أي ازمة واذا  كانت العمرة منحة وهبة من القطريين ,, اكتشفنا انو بدهم يضفونا على الكشف  وكان الكشف 20 لاعب وخمسة اداريين .

روحت انا أتوجهت وحكيت مع ابو صلاح رئيس النادي وحكيت معاه انو هاد حقي  مثلي مثل أي لاعب  وما تحرمني من زيارة بيت الله الحرام كان ردوا انو عندهم أزمة  وانو أمهلنا وقت لنشوف الأمور كيف حتوصل معاهم .

تركتهم اكتر من اسبوع ولكان لا حياة لمن تنادي أتوجهت انا واللاعب علاء حماد  للرئيس الشرفي لنادي الهلال ابو الناجي الخضري وحكتلو بقصتنا فوعدني انو يكلم ابو صلاح يشوف  مشكلتنا  وحكالنا بالحرف الواحد (( انا بكلم ابو صلاح وبحكي معاه و روحو على ابو صلاح واحكيلو بسلم عليك ابوالناجي وحلنا مشكلتنا )) اتصلت على رئيس النادي ابوصلاح  بضل يرد ع الجوال  ورامي هارون كذالك ,, والسيد الموقر اياد سيسالم كذالك ,, حكيت اتوجه لعبد السلام بما انو معنى بمشاكل الرياضة والرياضيين حكتلو على كل حاجة  ايضا حكالي ما بقدر اعمل  شيء وحكي الى بالحرف الواحد هاد تصرف  عيب بحق النادي يعملو هيك فيك  ..

وحكيت لعبد بس هاد حقي وانا بطلبش الا حقي وحق اللاعبيه الشباب يلي هما علاء حماد واسلام سلامة ,, ومحمد ابوغرقود

وايضا في التكريم ما كلمونا ولا اتصلو علينا لنتكرم ولنتكافأ  مثلنا مثل الشباب يلي شاركت بالدوري وساهمت  بالصعود واحراز اللقب ,  واتصلت اكتر من مرة على ابوحسن وابوحسن سيسالم بتهرب  وما برد  وبالعكس ارسل مع الكابتن إحسان ابودان انو ما ارن عليه انت برة النادي وخلص وكل واحد بحالو ,,  

وما بقول الا حسبنا الله ونعم الوكيل فيهم

سائد ابو فارس وزملائه المظلومين